गण्डकी प्रदेशमा थप ३२ जनामा कोरोना भाइरसको संक्रमण पुष्टि
पोखरा, १९ असार । गण्डकी प्रदेशका विभिन्न जिल्ला गरि थप ३२ जनामा कोरोना भाइरसको संक्रमण पुष्टि भएको छ ।
प्रदेश क्षयरोग केन्द्र, पोखरा र भरतपुर अस्पताल, चितवन गरिएको परिक्षणमा गण्डकी प्रदेशमा आज बिहान ३२ जनामा कोरोना भाइरसको संक्रमण पुष्टि भएको हो ।
यो सँगै गण्डकी प्रदेशमा कोरोना संक्रमितको संख्या १ हजार ६३ पुगेको छ ।
संक्रमितहरु नवलपुरका १९ जना, तनहुँका ९ जना, पर्वतका ३ र बागलुङका १ जना रहेका छन् ।
संक्रमितहरुलाई सम्बन्धीत जिल्लाहरुमा रहेका आईसोलेसन कक्षमा लैजाने तयारी भइरहेको प्रदेश स्वास्थ्य निर्देशनालयले जनाएको छ ।
यस्तै चितवनको भरतपुर प्रयोगशालामा गरिएको परीक्षणमा २१ जनामा कोरोना भाइरसको संक्रमण पुष्टि भएको छ ।
संक्रमितहरु चितवन भरतपुरका १ जना पुरुष, पर्साका एक जना पुरुष, पूर्व नवलपरासीका ४ जना महिला र १५ जना पुरुषहरु रहेका छन् ।
