अम्बा एक यस्तो फल हो जुन खानमा स्वादिलो मात्रै नभई स्वास्थ्यका लागि पनि फाइदाजनक हुन्छ । अम्बा प्रायः सबैलाई मनपर्ने फलमध्येको एक हो । अम्बा विशेषगरी तराईतिर गर्मीको मौसममा पाइन्ट भने कतिपय ठाउँमा १२ हैं महिनापनि फल्ने गरेको छ । 

अम्बा कतिपयले स्वादका लागि खान्छन् भने कतिपयलाई मन नपर्न पनि सक्छ । अम्बामा पाइने भिटामिन ‘सी’ ले रोग प्रतिरोधात्मक अर्थात् इम्यूनिटि बढाउने काम गर्छ । जसले तपाईंको रोगसँग लड्ने क्षमतलाई बलियो बनाउने काम गर्छ ।

जानौं अम्बाको सेवनले हुने स्वास्थ्य फाइदाकाबारेमा :

• अम्बाको सेवनले पेटसँग सम्बन्धीत समस्या, जस्तैः पेटमा किरा हुनु वा कब्जीयतको समस्यामा राहत दिलाउँछ ।
• अम्बामा पाइने एन्टीअक्सिडेन्टले तपाईंको छालालाई स्वस्थ राख्ने काम गर्छ ।
• बिरे नुनसँग अम्बाको सेवन गर्नाले पाचन प्रक्रियासँग सम्बन्धीत समस्यामा राहत हुन्छ ।
• अम्बा आन्द्रा र गिजाका लागि पनि राम्रो हुन्छ । यसको सेवनले तपाईंको आन्द्रा र गिजा बलियो हुनछ । मुखमा आउने घाउँ जसले खाना चपाउन वा पानी समेत पिउन समस्या भएको बेला अम्बाको पात चपाउनु राम्रो हुन्छ ।
• अम्बाको रसले घाउलाई छिटै निको बनाउने काम गर्छ ।
• पाइल्सको समस्यामा पनि अम्बाको सेवन राम्रो मानिन्छ । अम्बाको बाहिरी कडा भागको चूर्ण बनाएर त्यसको सेवन गर्न सकिन्छ । साथै त्यसको काढा बनाएर पिउनाले पनि पाइल्सको समस्या भएकालाई राहत हुन्छ ।
• अम्बाको सेवनले तौल नियन्त्रण गर्ने काम गर्छ । २÷३ वटा अम्बा खाएपछि भोक नलाग्ने र तपाईंको तौल नियन्त्रणमा मद्दत पुग्छ । अम्बामा पर्याप्त मात्रामा फाइबर र ३७ प्रतिशत क्यालोरी हुन्छ ।
• अम्बाको सेवनले रगतमा ग्लुकोजको मात्रा नियन्त्रण गर्ने काम गर्छ ।
•  
• अम्बामा पाइने पोटासियमले तपाईंको मुटुलाई स्वस्थ राख्ने काम गर्छ ।

Hamro Doctor