अक्सिजन आपूर्ति सहज गराईदिन अल्का अस्पतालको आग्रह
काठमाडौं, २६ बैशाख । ललितपुरको अल्का अस्पतालले कोरोना संक्रमितको उपचार गर्न कठिन भएकाले अक्सिजन आपूर्ति सहज गराईदिन आग्रह गरेको छ । आज विज्ञप्ति जारी गर्दै स्वास्थ्य तथा जनसंख्या मन्त्रालय, प्रदेश सरकार तथा स्थानिय सरकारलाई अक्सिजन आपूर्ति सहज गराइदिन आग्रह गरेको हो ।
अक्सिजन नभएकाले संक्रमितको उपचार गर्न गाह्रो भएको विज्ञप्तिमा उल्लेख छ । दैनिक एक सय पचास सिलिण्डर अक्सिजन पर्ने भए पनि ४६ ओटा मात्रै अन्तिरिक रुपमा उपलब्ध गराउन सक्ने अस्पतालले जनाएको छ ।
यता, चाबहिलका चार अस्पतालले अक्सिजन अभावका कारण कोरोना संक्रमितलाई भर्ना गरी उपचार गर्न नसक्ने भनेर घोषणा गरिसकेका छन् ।
Last modified on 2021-05-09 12:08:11
